न्यूज अपडेट: नेरुळ येथे भव्य आगरी-कोळी महोत्सवाचे आयोजन थाटामाटात:

न्यूज अपडेट: नेरुळ येथे भव्य आगरी-कोळी महोत्सवाचे आयोजन थाटामाटात:

● अखिल आगरी कोळी समाज प्रबोधन ट्रस्ट आयोजित तुमचा आमचा सर्वांचा आगरी कोळी महोत्सवाला खासदार कुमार केतकर यांची हजेरी

● आगरी कोळी महोत्सव 2022 नामदेव रामा भगत

उपाध्यक्ष महाराष्ट्र प्रदेश राष्ट्रवादी कांग्रेस पार्टी. माजी सिडको संचालक संस्थापक अध्यक्ष अखिल आगरी कोळी समाज प्रबोधन ट्रस्ट

नेरुळ (प्रतिनिधि) :

अखिल आगरी कोळी समाज प्रबोधन ट्रस्ट आणि नगरसेवक नामदेव भगत यांच्या सहकार्याने नेरूळ येथील श्री गणेश रामलीला मैदानावर २३ फेब्रुवारी ते ६ मार्च या दरम्यान भव्य आगरी-कोळी महोत्सवाचे आयोजन करण्यात आले होते. यावेळी नवी मुंबई ऑयडॉल गीत गायन स्पर्धा, नवी मुंबई सुंदरी वेशभूषा स्पर्धा, लावणी स्पर्धा, आंतरशालेय नृत्यस्पर्धा, विविध गुणदर्शन, कोळी नृत्य, लावणी नृत्य, एकपात्री विनोदी नाट्य असे अनेक सांस्कृतिक कार्यक्रम या महोत्सवाची रंगत वाढविणार आहेत. विविध समाज प्रबोधनात्मक कार्यक्रमांबरोबरच आगरी-कोळी समाजाच्या ग्रामसंस्कृतीचा आकर्षक देखावा, संस्कृतीदर्शक चित्र प्रदर्शन, खाद्य संस्कृती, सुक्या मासळीचा बाजार, भव्य फनफेअर हे या महोत्सवाचे खास आकर्षण ठरले. उल्लेखनीय योगदान देणाऱ्या आगरी कोळी समाजातील लोकांचा पुरस्काराने देखील यावेळी सन्मानित करण्यात आले.

येथील ग्रामसंस्कृती, लोककला व लोकपरंपरेचे जतन व्हावे, नवोदित कलावंतांना हक्काचे व्यासपीठ मिळवून देतानाच जुन्या जाणत्या कलावंतांचा गुणगौरव व्हावा, ग्रामसंस्कृती आणि नागर संस्कृती यांच्यामध्ये वैचारिक आदान-प्रदान व्हावे, सांप्रदायिक एकता व एकात्मता वृद्धिंगत व्हावी, हाच उद्देश समोर ठेवून या कार्यक्रमाचे आयोजन करण्यात येते. 

यावेळी मोठ्या संख्येने नेरूळकरांनी उपस्थित राहून महोत्सवाचा आनंद घेतला. दहा दिवस चालणाऱ्या या महोत्सवामध्ये भरगच्च सांस्कृतिक कार्यक्रमाची रेलचेल राहणार आहे, त्याचबरोबर आगरी- कोळी पध्दतीचे खास जेवण दिल्ली कुलपी, पाणीपुरी, चायनीज आदि खाद्यपदार्थांचे स्टॉल उभारण्यात आले आहेत. महोत्सवात येणाऱ्यांसाठी साजश्रुंगार आणि घरगुती सजावटीच्या वस्तू विक्रीसाठी ठेवण्यात आल्या आहे, तसेच तरूणपिढीसह लहान मुलांना फुल- टू धम्माल करता यावी, यासाठी विविध प्रकारचे पाळणे, जादूची गुहा उभारण्यात आली असून यालाही नागरिकांचा चांगला प्रतिसाद मिळत आहे. 

तर या महोत्सवामुळे आगरी - कोळी समाजाच्या परंपरा येथे राहणाऱ्या सर्व जाती धर्मातील लोकानाही कळाव्यात हा हेतू असून त्यानिमित्ताने समाजाची संस्कृती जतन केली जात आहे. यावेळी अखिल आगरी कोळी समाज प्रबोधन ट्रस्ट आयोजित तुमचा आमचा सर्वांचा आगरी कोळी महोत्सवाला खासदार कुमार केतकर तसेच या कार्यक्रमाचे आयोजक माजी सिडको संचालक नामदेव भगत, नगरसेविका इंदूमती भगत, स्माईल फाऊंडेशनचे संस्थापक अध्यक्ष धीरज आहूजा सौ. उमा आहूजा आदि मान्यवर यावेळी उपस्थित होते.