Skip to main content

न्यूज अपडेट: सोशल माध्यमावर चुकीच्या उपचाराने वेळ वाया जात असल्याचा डॉक्टरांचा दावा:

न्यूज अपडेट: सोशल माध्यमावर चुकीच्या उपचाराने वेळ वाया जात असल्याचा डॉक्टरांचा दावा:

● सोशल माध्यमावर उपलब्ध असलेले कोरोनावरील वैद्यकीय उपचार न करण्याचे वैद्यकीय क्षेत्रातून आवाहन:

नवी मुंबई (प्रतिनिधी/अक्षय तांडेल) :- आज सहज उप्लब्ध असलेली एकच गोष्ट म्हणजे आपल्या मोबाईलवर २४ तास उपलब्ध असलेली सोशल मीडिया. व्हाट्स ऍप, फेसबुक, ट्विटर इंस्टाग्राम व इतर अनेक ऍप्स आपल्याला जगामध्ये काय चाललंय याची दर मिनिटाला बातमी देत असतात याबरोबरच  फॅशन, खानपान, सहलीची ठिकाणे तसेच मुंबई व इतर शहरात घडणाऱ्या घडामोडी याबाबत सुद्धा अगदी खोलामध्ये जाऊन बातम्या देत असतात. लॉकडाउनच्या काळात सोशल मीडियावरील वावर तब्बल १२० टक्क्यांनी वाढला आहे. 

लॉकडानच्या आधी एक व्यक्ती दिवसाला १५० मिनिटं सोशल मीडियावर घालवत होती. तोच वेळ आता २९० मिनिटं इतका झालाय. म्हणजे लोक दिवसाला जवळपास साडेचार ते पाच तास सोशल मीडियावर वावरू लागलेत. आता सोशल मीडिया हा फक्त करमणुकीचा भाग राहिला नसून यामध्ये दाखविल्या जाणाऱ्या अनेक गोष्टी आपण आत्मसात करू लागलो आहोत परंतु कोरोनाच्या या महामारीत सोशल माध्यमांमध्ये सुचविलेले अथवा एखाद्या डॉक्टरने सांगितलेले  कोरोना वरील उपचार न करण्याचे आवाहन वैद्यकीय क्षेत्रातून करण्यात आले आहे.

याविषयी अधिक माहिती देताना शुश्रूषा हार्ट केयर सेन्टर व मल्टिस्पेशालिटी हॉस्पिटलचे संचालक व हृदयशल्यविशारद डॉ. संजय तारळेकर म्हणाले," आजमितीला लॉकडाउन असल्यामुळे आपण अतोनात सोशल मीडियाचा वापर करीत आहोत परंतु सोशल मीडिया हे दुधारी शस्त्र आहे. सोशल मीडियामध्ये येणाऱ्या अनेक पोस्टवर काही वाचक हे डोळे बंद करून विश्वास ठेवतात व अनेकवेळा त्याना त्याचा त्रास सहन करावा लागतो.

सध्या कोरोनाची दुसरी लाट आली आहे व ही लाट गेल्या वर्षाच्या तुलनेत अधिक प्रबळ आहे त्यामुळे कोरोनावर उपचार करताना सोशल मीडियाचा सल्ला घेणे हे सध्याच्या परिस्थतीत महाग पडेल कारण अनेक नागरिक पाहिले सात ते  आठ दिवस घरगुती उपचार करतात त्यामुळे त्यांची स्थिती गंभीर होते. साधा ताप अथवा सर्दी झाली असले तरी कोरोनाची चाचणी करून घेणे फायदेशीर आहे. अनेक नागरिक सोशल मीडियाचा आधार घेऊन गरम पाण्याची वाफ घेणे, काढे बनविणे तसेच अंगाला मालीश करणे असे उपचार करत राहतात , त्यामुळे कोरोना वरच्या उपचारांना विलंब होतो. 

कोरोनाची ही लाट आपण गंभीरपणे घेतली पाहिजे व थोडा जरी संशय आला तर कोरोनाची चाचणी करून घेणे गरजेचे असून यात समाजहित आहे."करोना संकटामुळे वैद्यकीय यंत्रणेवर प्रचंड ताण येतो आहे. महाराष्ट्रात  सध्या रुग्णांना ऑक्सिजन, व्हेंटिलेटर, बेड तसेच अनेक औषधांची मोठ्या प्रमाणावर गरज भासते आहे. अशा वेळेस संपूर्ण महाराष्ट्रातील लोकांना आपल्या इंस्टाग्राम तसेच सोशल मीडियावरील स्टोरीच्या माध्यमातून वैद्यकीय साधनांची उपलब्धता व अडचणीत असणाऱ्या लोकांची माहिती देण्याचे काम सोशल मिडीया करीत असली तरी कोरोनाग्रस्तानी सोशल मीडियाचा वापर कमी करावा कारण अनेकवेळा अशा बातम्यांमार्फत मानसिक ताण तणाव वाढण्याची शक्यता असते.

सोशल मीडियातून अनेकवेळा आपल्या जवळची अथवा संपर्कांतील व्यक्ती गेल्याचे कळते परंतु याचा आघात अनेकजण झेलू शकत नाहीत म्हणूनच कोरोनाग्रस्तांनी संपूर्ण बरे झाल्याबर सोशल मीडियाचा वापर करावा अशी माहिती कल्याण येथील स्टारसिटी मल्टीस्पेशालिटी हॉस्पिटलचे संचालक व  फिजीशियन आणि इंटेंसिव्हिस्ट डॉ. प्रदीप शेलार  यांनी दिली.








महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा. 

Popular posts from this blog

डॉ. बाबासाहेब आंबेडकर भारतीय संविधानाचे शिल्पकार आणि स्वतंत्र भारताचे पहिले न्याय मंत्री; समाज सुधारक.

डॉ. बाबासाहेब आंबेडकर भारतीय संविधानाचे शिल्पकार आणि स्वतंत्र भारताचे पहिले न्याय मंत्री;  समाज सुधारक. डॉ. बाबासाहेब आंबेडकर भारतीय संविधानाचे शिल्पकार आणि स्वतंत्र भारताचे पहिले न्याय मंत्री होते व समाज सुधारक होते. डॉ. भिमराव आंबेडकरांनी दलितांच्या उत्थानाकरता आणि भारतातील मागासलेल्या वर्गाच्या प्रगतीकरीता आपल्या संपुर्ण जीवनाचा त्याग केला. डॉ. आंबेडकर दलितांचा उध्दारकर्ता म्हणुन प्रसिध्द आहेत. आज समाजात दलितांना जे स्थान आहे त्याचे पुर्ण श्रेय डॉक्टर भिमराव आंबेडकर यांना जातं. “देशप्रेमापुढे ज्याने स्वतःच्या विश्रांतीचा त्याग केला माणसाला स्वाभिमान शिकवला ज्यांनी आम्हाला संकटाशी सामना करणे शिकवले असा या आकाशात एकमेव तारा बाबासाहेब होता.” डॉ. बाबासाहेब आंबेडकर यांची संपूर्ण माहिती –  Dr. B. R. Ambedkar Biography : नाव (Name):डॉ. भिमराव रामजी आंबेडक जन्म(Birthday):14 एप्रील 1891 (Ambedkar Jayanti) जन्मस्थान (Birthplace):महू, इंदौर मध्यप्रदेश वडिल (Father Name):रामजी मालोजी सकपाळ आई (Mother Name):भीमाबाई मुबारदकर पत्नी (Wife Name):पहिली पत्नी: रमाबाई आंबेडकर (1906.1935)दुसरी ...

मुंबई ऊर्जा मार्ग लिमिटेड प्रकल्पातील शेतकऱ्यांच्या जमिनी त्यांच्याच नावावर राहतात

मुंबई ऊर्जा मार्ग लिमिटेड प्रकल्पातील शेतकऱ्यांच्या जमिनी त्यांच्याच नावावर राहतात मुंबई (प्रतिनिधी): मुंबई महानगर प्राधिकरण क्षेत्राला दोन हजार मेगावेट अतिरिक्त वीज मिळवून देण्यासाठी मुंबई ऊर्जा मार्ग लिमिटेड यांच्या माध्यमातून महत्त्वाकांक्षी प्रकल्प राबविण्यात येत आहे. तूर्तास या प्रकल्पांमध्ये पनवेल,अंबरनाथ आणि कल्याण तालुक्यांमध्ये उच्च वीज वाहक तारा आणि टॉवर्स टाकण्याचे काम पूर्ण झाले असून त्यामधून विद्युत प्रवाह देखील प्रवाही झाला आहे. विशेष उल्लेखनीय म्हणजे या प्रकल्पाकरता ज्या शेतकऱ्यांच्या जमिनीचा वापर झाला आहे त्या जमिनी शेतकऱ्यांच्याच नावावरती राहणार आहेत. तारा तसेच टॉवर्स यांच्या खाली शेतकऱ्यांना शेती तथा अन्य व्यवसाय करण्याची मुभा देण्यात आली असून शेतकऱ्यांच्या जमिनीवरील जर वृक्षतोड झाली असेल तर त्याचा मोबदला देखील त्यांना देण्यात आला आहे. त्यामुळे जमीन धारकांच्या समाधानाचे वातावरण आहे चला पाहूयात काही समाधानी शेतकऱ्यांच्या प्रतिक्रिया.

नवीकरणीय ऊर्जा सक्षमतेमुळे मिळणार महाराष्ट्रातील शेतकऱ्यांना पाठबळ

नवीकरणीय ऊर्जा सक्षमतेमुळे मिळणार महाराष्ट्रातील शेतकऱ्यांना पाठबळ २०३० सालापर्यंत ५० टक्के नवीकरणीय ऊर्जा प्राप्त करत शेतकऱ्यांना शाश्वत आर्थिक पाठबळ देण्याचे ध्येय महाराष्ट्र राज्याने डोळ्यापुढे ठेवले आहे. या उद्दिष्ट पूर्तिकरिता खावडा -४ पार्ट सी यांच्या पुढाकाराने गुजरात राज्यातून हरित ऊर्जा महाराष्ट्राला उपलब्ध करून देण्यात येणार आहे. पर्यावरण पूरक अशी ऊर्जा ही तुलनात्मक दृष्ट्या स्वस्त देखील आहे. महाराष्ट्राला प्रगतिशील राष्ट्र बनविण्याकरता नवीकरणीय ऊर्जा प्राप्त करणे हे जितके महत्त्वाचे आहेत तितकेच ती ऊर्जा आणण्यासाठी वीज वाहक यंत्रणा उभारणे हे देखील तितकेच महत्त्वाचे ठरते. म्हणूनच खावडा कॉरिडोर चे माध्यमातून अखंडित नवीकरणीय वीज पुरवठा करणारी यंत्रणा नव्याने उभारण्यात येत आहे. सदर वीज वाहक यंत्रणेद्वारे महाराष्ट्रातील ग्रामीण तसेच शहरी भागांना अखंडित वीज पुरवठा करणे सोपे जाईल. गुजरात राज्यातून येणारी नवीकरणीय ऊर्जा ही महाराष्ट्राच्या आर्थिक पातळीवर देखील अनन्यसधारण महत्त्व बाळगून आहे. हरित ऊर्जा ही सौर ऊर्जा तसेच पवनचक्की यांच्या माध्यमातून निर्मिली जणार असल्यामुळे पारंपारिक ऊर्...