न्यूज अपडेट : चार वर्षाच्या अल्पवयीन मुलाचा मृतदेह त्याच्या राहत्या घरातील इमारतीत:
नवी मुंबई (बातमी/रबाळे) :- रबाळे पोलीस ठाणे हद्दीतील बाळाराम वाडी घनसोली येथे 18 सप्टेंबर रोजी एक अल्पवयीन मुलगा ओंकार वय 4 वर्ष हा राहत्या इमारतीच्या पहिल्या माळ्यावरून सात ते आठ मिनिटांमध्ये हरविलेला होता. त्यानंतर दोन तासानी ओमकार याचा मृतदेह त्याच्या राहत्या इमारतीच्या पाठीमागे एका सुतळी गोणीमध्ये मिळून आला होता. त्याबाबत रबाळे पोलीस ठाणे येथे गुन्हा रजिस्टर क्रमांक 263/2020 कलम 302, 363, 201भा. द. वि. नोंद करण्यात आला आहे.
घटनास्थळी मिळून आलेले परिस्थितीजन्य पुरावे, तपासादरम्यानचे भौतिक पुरावे, वेळेचा तपशील, मयत मुलाच्या सवयी, इमारतीमधील झडती मध्ये मिळून आलेल्या संशयीत वस्तू यावरून गुन्हयातील मयत मुलाच्या शेजारी राहणाऱ्या अल्पवयीन मुलगी वय वर्ष 17 हीचा गुन्ह्यात सहभाग असल्याच्या संशय निर्माण झाला होता. सर्व तांत्रिक बाबी, भौतिक पुरावे परिस्थितीजन्य पुरावे हे ही नमूद अल्पवयीन मुलीचा गुन्ह्यात सहभाग असल्याचे दर्शवत होते. परंतु नमूद अल्पवयीन मुलगी कोणतीही माहिती देत नव्हती. सदरचा गुन्हा घडल्यापासून आज पावेतो 23 दिवस नमूद अल्पवयीन मुली कडे नियमितपणे अतिशय संयमपुर्ण, वेगवेगळ्या भावनिक स्तरावर कौशल्यपूर्ण चौकशी करून तिचा अधिकाधिक विश्वास संपादन केला. वेगवेगळ्या युक्तीपुर्ण केलेल्या चौकशी मधून नमूद अल्पवयीन मुलीने सदर गुन्हयाची कबुली दिली आहे.
नमूद अल्पवयीन मुलीस ताब्यात घेऊन आज रोजी मा. बाल न्याय मंडळ यांच्या समक्ष हजर करून सदरचा संवेदनशील गुन्हा उघडकीस आणला आहे.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.