कोरोना महासंकट : पनवेल महानगरपालिकेचे आयुक्त गणेश देशमुख यांची तात्काळ बदली :

कोरोना महासंकट : पनवेल महानगरपालिकेचे आयुक्त गणेश देशमुख यांची तात्काळ बदली : 

पनवेल : पनवेल महानगरपालिकेचे आयुक्त गणेश देशमुख यांची तात्काळ बदली करण्यात आली आहे, कोरोनाच्या संकटकाळात झालेल्या या बदलीमुळे पनवेल राजकारणाला आता एक नवीनच वळण आले आहे, पालिका आयुक्त म्हणून गणेश देशमुख यांनी १८ इतर5 २०१८ ला लोकसेवा आयोगामार्फत त्यांची बदली पनवेल महानगरपालिकामध्ये झाली होती. दोन वर्षांच्या कालावधीत त्यांची बदली झाली होती. पनवेल महानगरपालिकेच्या निर्मिती नंतर, पालिका आयुक्त गणेश देशमुख हे पालिकेचे ३ रे आयुक्त म्हणून त्यांना मान मिळाला होता .

महानगरपालिकाचा आयुक्त पदभार स्वीकारल्या नंतर नगरपालिकेचे पालिकेत रूपांतर झाले त्यानंतर पालिकेच्या विकासाचे मोठे आव्हान त्यांच्या समोर होते. त्यांनी हे काम अगदी चोख पध्दतीने बजावला आहे, पालिकेत सामावेश झालेल्या ग्रामीण भागतील विकासावर त्यांनी भर दिला होता, खेडेगावातील रस्ते आणि वीज पुरवठा पोहचवण्याचे काम त्यांनी केले, त्याचसोबत स्मार्ट व्हीलेज म्हणून गावचा विकास करण्याचाही त्यांनी प्रयत्न केला, घन कचरा व्यवस्था आपले शहर स्वच्छ आणि सुंदर दिसावे यासाठीही त्यांनी प्रयत्न केला, आवास योजने तर्फे तळागाळातील लोकांना घरे उपलब्ध करून देण्याचा यशस्वी प्रयत्न करुन, जवळपास २२०० गरजूंना त्यांनी घरे देण्याचा प्रकल्पाला मजुरी घेऊन प्रत्येक्षात कामाला देखील सुरुवात झाली होती, मात्र कोरोना विषाणूने घातलेल्या थैमानामूळे त्यांचे हे काम अर्धवट राहिले गेले.

महानगरपालिका आयुक्त गणेश देशमुख यांची ठाणे महानगरपालिकेत अतिरिक्त म्हणून त्यांची बदली झाल्याचे वृत्त समजले आहे आणि तसेच त्यांच्या जागी उल्हासनगरचे आयुक्त सुधारक देशमुख यांची नियुक्ती करण्यात आल्याचे खात्री सूत्रांनकडुन सांगण्यात येत आहे. तर आता पनवेल पालिकेतुन एक देशमुख गेले तरी दुसरे देशमुख येण्याची जोरदार चर्चा.